Төлендіге текст песни

Сырбай Мәуленов

0
0

Поделиться:


Сені тәуір көріп ем,
Бармысың сен Төленді.
Өзім жазып беріп ем,
Бақытыңа өлеңді.
Есіңде ме жүрген кез,
Күндіз ұйықтап, жортып түн.
Дос қадірін білген кез,
Батпағында Волховтың.
Кеудеде кек алаулап,
Тастап ойын-күлкіні.
Бардық біздер жаяулап.
Қан майданға бір күні.
Есіңде ме,
жан жолдас,
Қанды кештік қанша күн.
Оққа ілінді оң жамбас,
Қансырадың, шаршадың.
Көңіліміз жаңарып,
Көшемізде өсті тал,
Болды ауыр жара ұмыт,
Қалды артта госпиталь.
Артық көрген досым ең,
Сағындым да өзіңді.
Жан күйінің жасымен,
Шайып алдым көзімді.
Іздедім мен еске алып,
Бармысың сен, Төленді.
Қайырлы таң, кеш жарық,
Оқы осы өлеңді.
1956
Сырбай Мәуленов, Сырбай Мауленов, Төлендіге, Толендиге текст песни, 0
Біздің ұялы қосымшаларды жүктеңіздер:
Google Play және App Store






GM

Добавил текст

26.08.2016