Уркуя текст песни

Ак жоолук салып башына,

Ак көйнөк кийип буралган.

Аялдын эле асылы,

Убада сөзгө тура алган.

Акылгөй болуп элине,

Алдыңкы чарба кураган.



[Кайырма]



Уркуя – ыйык энебиз,

Эмгегин даңктап келебиз.

Уркуя – баатыр энебиз,

Өмүрүн даңктап келебиз.



Элим деп жанын аябай,

Мээнетин элге үрөгөн.

Курууга жаңы заманды,

Тайманбай элди сүрөгөн.

Таамай сөз, тайбас мүнөзүн,

Мырзалар баалап, сүрдөгөн.



[Кайырма]



Кырчындай жапжаш кезинде,

Канкорлор кыйды өмүрүн.

Аз жашап, бирок баркталган,

Атагы калды эл үчүн.

Арманда кеткен асылды,

Унутпайт кыргыз эл бүгүн.



[Кайырма]


Сайкал Садыбакасова, Сайкал Садыбакасова, Уркуя, Уркуя текст песни, 0
Біздің ұялы қосымшаларды жүктеңіздер:
Google Play және App Store