Искакова Райгул Ауылым –алтын бесигим текст песни

Ауылым –алтын бесигим Искакова Райгул

0
0

Поделиться:


Текст песни



Тарихыма көз жіберсем тұңғиық
Үштөбемнің мәртебесі тым биік
Ата-баба ерлігі мен жырлары
Ұрпағына үлгі болар нұр құйып

Туған жерім – Өкпетінің бөктері
Мен де өстім,аңыз естіп, ертегі
Ауылымның тарих толы қойнауы
Әрбір жері-шежіре сыр шертеді

Естіп өстім,құпиясын сырларын
Ауылымды тебірене жырладым
Неткен көркем! Неткен сенің құпияң
Білдім мен де, әр тасыңда мұң барын

Жазылмаған заңы бар бір бірліктің
Қайнап жатқан қазанындай тірліктің
Үлгі болар ұрпағына еңбекпен
Үштөбем ғой- қамалындай шындықтың

Ұрпағымын, құрметтейтін байлығын
Құстар сайрап, естіртсінші жайлы үнін
Табиғаттың бұл теңдігі бұзылмай
Болмасыншы жер бетінде қайғы-мұң

Қазыналы қарттарым бар – томдардай
Болашаққа барар сара жолдардай
Ағаларым-ақылшылар ардақты
Тірек болып, алынбайтын қорғандай

«Тек» деп ғана тежейтұғын тентегін
Әжелерім-тәрбиенің желкені
Үштөбемде салт-дәстүрім сақталған
Сондықтан да жарқын менің ертеңім

Солай-солай, қай жақсысын айтайын
Болашақты бала көзбен байқайын
Ақындарын айтар болсам саналап
Жақсылардың жақсылығын айтайын

Рүстемдей, Ринат, Мерей ағалар
Жанжігіт пен Манасты ел бағалар
Жырдың туы желбіреген ауылдан
Мен балаңмын бұлағынан нәр алар!

Қасиетті топырағыңа бас ием!
Мен үшін сен, құдіретті асыл ең!
Отанымның бір бөлшегі-ауылым
Таусылмасын мен жырлайтын несібең!

Искакова Райгүл
Шығыс Қазақстан облысы
Тарбағатай ауданы
Үштөбе ауылы



Скачивайте наши приложения на плеймеркетах App Store и Казакша андер 2022 скачать (Google Play).




Добавлено

29.12.2016


shinline.kz / Создание сайтов - https://ima.kz