Ғашық жүрек сөзі

Тұманбай Молдағалиев

0
0

Бөлісу:


Сөзі: Т.Молдағалиев
Әні: Е.Белғозиев

Алқынғандай, талпынғандай боласың,
Шарқ ұрғандай бүкіл қазақ даласын.
Көкірегіме менің сыймай барасың,
Ғашық жүрек, қайда апарып соғасың!

Дегбіріңді тауысқандай боласың,
Жазың күзге ауысқандай боласың.
Күз жапырақтай қалтырайсың, тоңасың,
Ғашық жүрек қайда апарып соғасың?

Көрген жандай арманыңның моласын,
Күрсінесің, ауыр ойға шомасың.
Жабырқайсың, жауың таптап кеткендей
Ғашық жүрек қайда апарып соғасың?

Назырқанып тірлігіңнің бағасын,
Келер күннен бір сүйеніш табасың.
Бейтаныс бір терезені қағасың,
Ғашық жүрек қайда апарып соғасың?

Күздің желі жапырағыңды тонасын,
Сонда да сен бақытыңды табасың.
Жете алмайтын арманыңа жет дейсің
Ғашық жүрек, қайда апарып соғасың?
Тұманбай Молдағалиев, Туманбай Молдагалиев, Ғашық жүрек, Гашык журек сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

20.12.2015