Жазғы сурет сөзі

Сырбай Мәуленов

0
0

Бөлісу:


Көк жүзінде дөңгелеген кептердей,
Сүттей аппақ жарқырайды жазғы ай.
Аспан беті ашық жатқан дәптердей,
Ал жұлдыздар соған түскен жазудай.
Жел қарғиды қарағайдан секіріп,
Соның лебі бұтақтардың дірілі.
Тынып бір сәт жатты ұйықтап кекілік,
Тек құлақта бұлақтардың гүрілі.
Мың түрлі күй, сиқырлы күй өрбіткен,
Табиғат та секілді бір күйші шал.
Алғашқы көк тұла бойды сергіткен,
Жас жауқазын,
ақ жауынның исі бар.
Ай сәулесі көрінеді кестедей,
Нәзік саусақ біздің қыздар тоқыған.
Алтын атырап күмбез болып көшкендей,
Жарқ-жұрқ еткен трактордың отынан.
Түрлі түсті төгілдіріп шашағын,
Толқиды ойнап ерке тоты май айы.
Ашты жиған асыл жиһаз жасауын,
Жаратылыс көрмесінің сарайы.
* * *
Желбіреп қырда
Жайқалған мың гүл.
Телміріп суға
Төнеді жыңғыл.
Таңғы бір бұлттай,
Қып-қызыл жыңғыл.
Бүріне шықтай —
Жабысқан бұлбұл.
Тыныштыққа тұнғандай,
Мөп-мөлдір күндіз Көк.
Жыршы құс тұрғандай,
Жаңа бір жырды іздеп!
Сырбай Мәуленов, Сырбай Мауленов, Жазғы сурет, Жазгы сурет сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016