Үш миллион патрон сөзі

Сырбай Мәуленов

0
0

Бөлісу:


1
Айнымайтын түйеден
Күн күйдірген жатыр жщн.
Келеді керуен тиеген
Үш миллион патрон.
Келеді құм ішімен,
Бір дамыл жоқ көште бұл.
Әр жерде бір күшіген,
Әр жерде бір сексеуіл.
Пана таппай жан ашыр,
Ебелектер желге ұшқан.
Қанын тартқан қара сұр
Жаралғандай жер мыстан.
Майдан шуы асқындап,
Жатыр ағып қаны елдің.
Лениннен тапсырма ап,
Келеді жас Жанкелдин.
Үш миллион патрон!
Ақтөбеге оқ керек.
Үш миллион патрон —
Ақтөбеге көоп көмек.
Аңызақ боп айбары
Тұр бұрқырап отты жыл...
Ақтөбенің майданы
Күтіп отыр оқты бұл.
2
Соқты дауыл далақтап
Құмды үйіріп тасқындай,
Ай далада жалақтап,
Жем іздеген қасқырдай.
Айналаны шаң басып
Аспан мен жер жалғасыа,
Көзді байлап сиқырдай
Ойнақ салды арбасып.
Құм дауылды жамылып,
Мыналар кім ат қойған?
Жылан оқтар ағылып,
Ысыл қағып жатты ойдан
Көшті көзден ғайып боп,
Жер менен көк жеті қат.
Тек қанатын жайып оқ,
Жатты атысып екі жақ.
Тына қалды оқ кенет
Жалын құсып, сел төкпей,
Екі жақ кеп бетпе-бет;
Қалды айқасып екі өрттей.
Жай жарқылдап қылыштан,
Найзалардан ұшты оттар,
Айқай-сүрей ұрыстан
Талай салтаң шықты аттар.
Я жеңіліп, жеңеді,
Алда жалғыз жатыр жол.
Бандаларға керегі —
Үш миллион патрон.
Ер Әліби лақтырды,
Қойынынан бомбаны ап.
Қашты жаулар ақ тулы,
Қалың құмды омбылап.
Айнымайтын түйеден,
Күн күйдірген жатыр жон.
Келеді керуен тиеген
Үш миллион патрон.
Сырбай Мәуленов, Сырбай Мауленов, Үш миллион патрон, Уш миллион патрон сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016