Түйеасу сөзі

Сырбай Мәуленов

0
0

Бөлісу:


Тік қарасаң басыңа қан үйелер,
Тек тастар бар талдай қармап сүйенер,
«Түйеасу» деп атын бекер қоймапты
Тек бұл жерден асады екен түйелер.
Асу-асу... Қайғы-шерді қозғаған,
Қырандардың қияғы жоқ тозбаған.
Бұл асуда қанды көштер қамалып,
Ботасы өліп боз інгендер боздаған.
Жазда боран арылмайды басынан,
Сусындайды бұлттардың көз жасынан.
Мен келемін күйге созып қолымды.
«Чайкаменен» аттағалы асудан.
Аруанадай асу түрі тым қызық,
Бұлттарды ол көктен аулап тұр сүзіп.
Ракеталық самолеттер өтеді,
Найзағайдай жолын оның бір сызып.
Көрсетеді төңірекке тау ызбар,
Ол туралы талай-талай аңыз бар.
Сол асуға самолетке мінгенмін,
Түйе мінген қазақ-қырғыз қарыздар.
Сырбай Мәуленов, Сырбай Мауленов, Түйеасу, Туйеасу сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016