Сусамыр сөзі

Сырбай Мәуленов

0
0

Бөлісу:


Айттым, саған арнармын,
Егер менен туса жыр.
Арасында таулардың
Алтын арал — Сусамыр.
Той жамылған мұз, қардан
Бізбен бірге бұлт ұшып,
Құлайды ол құздардан,
Бізбен ойға бір тұсіп.
О, Сусамыр, жолыңда
Кездесті бір атпазы.
Қыран бүркіт қолында,
Артына ерген ақ тазы.
Өз өлеңін жол айтты,
Бір шырқап, бір төмендеп,
Өз өлеңін шал айтты
Үлкен тойдан келем деп.
Асқар тауда бұлт ойнап,
Көрінбейді күндіз күн.
Келеді екен жұрт тойлап
Қырық жылдығын қырғыздың.
Айттым, саған арнармын,
Егер менен туса жыр.
Арасында таулардың.
Алтын арал — Сусамыр.
Сырбай Мәуленов, Сырбай Мауленов, Сусамыр, Сусамыр сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016