Суретші сөзі

Сырбай Мәуленов

0
0

Бөлісу:


Ақ қағаздың жүзіне
Алуан бояу түсіріп.
Қадап көзін сүзіле
Ойын құстай ұшырып.
Суретші дамылсыз,
Сүйкектеген қаламын.
Айналаның бәрі үнсіз,
Ашық нұры ауаның.
Бурыл тартқан самайы,
Басқа емес өз сынынан.
Тағы қайта қарайды,
Тауды қойып қырынан.
Тұрақтамай әлі де,
Тұр қиялы дағдарып.
Байыптайды бәрін де,
Ойымен он аударып.
Қолын созып ұсынды,
Әлденеге ойы ауған.
Алмақшы ма бір сырды,
Аспандағы бояудан.
Сырбай Мәуленов, Сырбай Мауленов, Суретші, Суретши сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016