Россия сөзі

Сырбай Мәуленов

0
0

Бөлісу:


Россия, алыпсың жаның байтақ,
Досың түгіл қарайды жау таңырқап.
Түн болғанда Ленин тауларынан,
Жан отындай жатады жалын бұрқап.
Қайта өзгерткен табиғат құбылысын,
Кім сезбейді Россия ұлы күшін.
Сеніменен жатырмын бірге салып,
Коммунизм үйінің құрылысын.
Россия, Россия ұлы жерің,
Аспаннан да кең жатыр көкірегің.
Керемет күш кеудеме құйылды кеп,
Самалыңмен бір сүйіп өтіп едің.
Шат өмірдің қойнында шалқып тасып,
Ұлы жолда келеміз қолтықтасып.
Коммунизм шығамыз шыңдарына,
Қамалдарды бірге алып қол ұстасып.
Бәрі ыстық сүйікті атырабың,
Ормандарың жайқалтқан жапырағын.
Россия, Россия — Сарыарқадай,
Қасиетті мен үшін топырағың.
Россия, Россия ұлы жерің,
Аспаннан да кең жатыр көкірегің.
Қеремет күш кеудеме құйылды кеп,
Самалыңмен бір сүйіп өтіп едің.
1949
Сырбай Мәуленов, Сырбай Мауленов, Россия, Россия сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016