Ленинград жолында сөзі

Сырбай Мәуленов

1
0

Бөлісу:


Ақты оқтар зуылдап,
Айнала орап жан-жақты,
Кемпірқосақ құрып ап,
Көктің жолын жау бақты.
Жүргізбеді бір аттам,
Қарлы боран, қанды асу.
Керек Ленинградқа
Жалпақ елмен жалғасу.
Қиын жермен қатынау,
Қиын көкпен қатынау.
Бомба төгіп борандай,
Жолды бөгеп жатыр жау.
Ладогада ақ боран,
Бой бермейді аттауға.
Жолды тартып жатты адам,
Көкала мұз, ақ қарда.
Арқан байлап беліне,
Бірін-бірі жетелеп,
Ладоганың көлінен,
Жолды тартты төтелеп.
Жер мен аспан гулесіп,
Жауды қанша оқ бұршақ.
Жүрді ерлер су кешіп,
Оқ астында көпір сап.
Қанша адамды көл бүркеп,
Жетпей өлді мұратқа.
Тұрды Ленин жол сілтеп,
Тура Ленинградқа.
Сырбай Мәуленов, Сырбай Мауленов, Ленинград жолында, Ленинград жолында сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016