Қызыл су сөзі

Сырбай Мәуленов

0
0

Бөлісу:


Бір өзіне көзді аударып алғандай,
Теңізде ойнап қып-қызыл от жанғандай.
Шығанақта жатыр шалқып қызыл су,
Батар күннің бояуын ап қалғандай.
Ақ шағала — ақ орамал аспандап,
Ақ көбіктен гүл тереді қасқалдақ.
Теңіз ұлы тербетіліп толқында,
Суды еседі ескегімен қос қолдап.
Сүзеді ол судың түбін ақтарып,
Тулап түсіп қайта оршиды ақ балық.
Түркімен қызы көйлегінің түсіндей
Құбыла ойнап қызыл толқын жатты ағып.
Күн де батты, тиді бетке түнгі ызғар,
Жоталарда жанды қызыл жұлдыздар.
Ұғасың ба жағалауға шақырып
Қызыл гүлді оттай ұстап тұр қыздар.
Сырбай Мәуленов, Сырбай Мауленов, Қызыл су, Кызыл су сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016