Қырғыз әуенімен сөзі

Сырбай Мәуленов

0
0

Бөлісу:


Темірқұл Үметалиевке
Асу-асу бел асып,
Іздеп келдім, Ләйліхан.
Құшағымды кең ашып,
Сіз деп келдім, Ләйліхан.
Фрунзенің бағында
Бір баласың, Ләйліхан.
Неге тұрмай жанымда,
Ұяласың, Ләйліхан?
Толқып белің билейсің,
«Бес ырғайға», Ләйліхан.
Неге бірге жүрмейсің,
Осындайда, Ләйліхан.
Ұғысармыз біз кейін,
Көп келейін, Ләйліхан.
Күдерімді үзбейін,
Көпке дейін, Ләйліхан.
Сырбай Мәуленов, Сырбай Мауленов, Қырғыз әуенімен, Кыргыз ауенимен сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016