Космодром сөзі

Сырбай Мәуленов

0
0

Бөлісу:


Айды тартып лебімен жақындатқан,
Жер денесін отымен лапылдатқан.
Ақ вулкандай бұрқ етіп шыңыраудан,
Ала бұлт боп аспанға атып жатқан –
Космодром!
Жұлдыздармен адамды жолықтырған,
Галактика сырларын мол ұқтырған,
Планетааралық дүниенің
Жүрегіндей жердегі соғып тұрған –
Космодром!
Магния секілді жалындаған,
Ракета қанатында ағындаған,
Жер өкілін шолпанға аттандырып,
Жұлдыздардың елшісін қабылдаған –
Космодром!
Сырбай Мәуленов, Сырбай Мауленов, Космодром, Космодром сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016