Қайталанбайтын ән сөзі

Сырбай Мәуленов

0
0

Бөлісу:


(Кәукенге)
Ақбеттің самал желді күні желпіп,
Тауларды әнге басты ол күңірентіп,
Тыңдады тастар ұйып,
көлдер жусап,
Әншінің сиқыршыдай үніне елтіп.
Бір өзі Торыайғырды шайқағандай,
Әнші тұр тау мен тастан жай таба алмай.
Арнаған туған жерге осы бір ән
Кетеді-ау екінші рет қайталанбай.
Салса да барлық әнші қосыла кеп
Шықпайды енді бұл ән осылай боп.
Ол үшін әнші алдында тұру керек
Басқа жер Ақбет тау боп,
Жасыбай боп.
Сырбай Мәуленов, Сырбай Мауленов, Қайталанбайтын ән, Кайталанбайтын ан сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016