Грек хаты сөзі

Сырбай Мәуленов

0
0

Бөлісу:


Жүздері солғын жабырқап,
Ішінде қапас түнектің.
Біздің елге жазып хат
Ұлдары отыр гректің.
Күзетіп тұр күні, түн,
Тас абақты — тар қақпа.
Әрбір жүрек үмітін
Құйып жатыр сол хатқа.
«Бұзып темір торларын,
Осы хатым кетсе» деп,
Ойлайды олар: «Арманым,
СССР-ге жетсе»—деп.
Ел тілегі жол тапты,
Тұншықпады тұманда.
Ертеңіне сол хатты
Басып жатты «Правда».
1950
Сырбай Мәуленов, Сырбай Мауленов, Грек хаты, Грек хаты сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016