Есік көлі сөзі

Сырбай Мәуленов

0
0

Бөлісу:


Жеткізбейді бел-белес
Әлі кетіп барасың.
Сол бір көлді жерде емес,
Көкте ме деп қаласың.
Қөкпеңбек боп ылдидан
Көрінеді ол саған.
Зымырайсың құлдилап,
Ғашығыңа аңсаған.
Қөрінбестей көзге анық,
Тап баспасаң ол саған;
Желден, бұлттан қызғанып,
Орман, таулар қоршаған.
Құлап түскен ертеде
Аспанның бір айындай.
Сол көгілдір еркеге
Қарайсың көз айырмай.
Жеткізбейді бел-белес,
Әлі кетіп барасың,
Со бір көлді жерде емес,
Көкте ме деп қаласың.
Сырбай Мәуленов, Сырбай Мауленов, Есік көлі, Есик коли сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016