Дос көлінде сөзі

Сырбай Мәуленов

0
0

Бөлісу:


Дос көлінің жағасында ақ шатыр,
Көгілдір көк арасында көгершін.
Жер бетінде жаңбыр салған дақ жатыр,
Бұлт келеді, бұлт шіркінге не дерсін!
Молдаван қыз тап келіпті биылғы
Қостанайдың жауын-шашын күзіне.
Қара көзі шалып алып қиырды,
Көп қарайды көктегі бұлт жүзіне.
Мен сұраймын:
–Ұнай ма деп осы жер,
–Жүзім жоқ,— деп қойып жатыр ол да сын.
Алматымда молдаван қыз болса егер
Алатаудың сыйлар едім алмасын.
Бірақ оған өкінішім жоқ менің,
Нансыз жерде өмір бар ма, ойлашы?
Қостанайға қоя алады өкпе кім
Қазақстан астығының қоймасы.
1957
Сырбай Мәуленов, Сырбай Мауленов, Дос көлінде, Дос колинде сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016