Дауыл алдындағы тыныштық сөзі

Сырбай Мәуленов

0
0

Бөлісу:


Шекаралық бағандар
Тұр ұқсаған солдатқа.
Айнала тас, тау заңғар
Иран жатыр ар жақта.
Қарс жабылып қабағы,
Қара түнек қазандай.
Жатыр Иран жаралы
Қанатын бір жаза алмай.
Аш-жалаңаш, әл бітіп,
Көздерінен тамып жас.
Қамығады қан жұтып,
Иран қызы қарындас.
Қарап ғаріп мүскінге
Құриды ылғи жұрт мысы.
Ұшады Иран үстінде
Америка жыртқышы.
Көмейін оқ кептеген,
Зеңбіреқтер булығып.
Жасырынып шөппенен
Тасаларда тұр бұғып.
Иран қару кезенбей,
Қоймас батқан зар-мұңға.
Қазір тыныш кезеңдей,
Тұрған дауыл алдында.
Сырбай Мәуленов, Сырбай Мауленов, Дауыл алдындағы тыныштық, Дауыл алдындагы тыныштык сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016