Бидай туралы баллада сөзі

Сырбай Мәуленов

0
0

Бөлісу:


Күн күледі,
Гүл күледі қырларда.
Әрі күн боп,
Әрі гүл боп
Жатады дән қырманда.
Айтады күн:
— Нұр алдың деп сен менен.
Айтады гүл:
— Түр алдың деп сен менен.
Күн сөзіне
Күліп бидай қарайды.
Гүл сөзіне
Күліп бидай қарайды.
Өз жүзінде
Күн нұры бар,
Гүл түрі бар арайлы.
Сенен нұр ап,
Сенен түр ап,
Өстім туған даламда.
Дейді ол бірақ,
Маңдай терін төккен маған
Борыштымын адамға.
Күн күледі,
Гүл күледі,
Қырларда.
Қызыл жұлдыз — қызыл бидай
Жанады от боп қырманда.
Сырбай Мәуленов, Сырбай Мауленов, Бидай туралы баллада, Бидай туралы баллада сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016