Бестау жақта бұлт ойнап сөзі

Сырбай Мәуленов

0
0

Бөлісу:


Қорқытпа мені дауылдан.
Бунин.
Қабағы қалың қара бұлт,
Бестауды жауып бүтіндей
Келеді түсі қабарып,
Будақтап ұшқан түтіндей.
Қоқаңдап бекер ол байғұс
Суырар қыннан қылышын.
Бестауды билеп қандай күш
Тарылта алар тынысын?!
Мың отқа кіріп күніне,
Мың оққа қарсы ол атылған.
Жетер деп бұлттар түбіме
Тобы жоқ құрап шақырған.
Кезбе бұлт түсте ауады
Жел сапырып, қаңғырып,
Күзетіп жасыл даланы
Тұрады Бестау мәңгілік.
Сырбай Мәуленов, Сырбай Мауленов, Бестау жақта бұлт ойнап, Бестау жакта булт ойнап сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016