Аңсау сөзі

Сырбай Мәуленов

0
0

Бөлісу:


Да мне, нравилась девушка в белом,
Но теперь я люблю в голубом.
Сергей Есенин.
Өтіп кетті жауынымен жасыл жаз,
Бірге кетті байпаң-байпаң басып қаз,
Бірге кетті толықсыған жастық шақ
Толқын күлкі, ерке қалжың, ғашық наз.
Жалт қаратқан аласа бір үйге жүз,
Кетіп қалды қызыл көйлек киген қыз,
Енді ол қайтып қызыл көйлек кимейді,
Енді ол маға басын қайтып имейді.
Енді ол кеште жүре алмайды сылаңдап,
Мен де кеште жүре алмаймын сыр аулап,
Құлыншақ күн енді бізге келмейді,
Мың қайтара шақырғанмен құраулап.
Басқа қыздар қызыл көйлек киеді,
Басқаларды балқып тәні сүйеді.
Шіркін солар күлкісімен қытықтап
Босатады тас боп қатқан жүйені.
* * *
Қостанайда,
Жас тоғайда
Өтіп кетті ерте жаз.
Мөлдір көлдей,
Қоңыр желдей
Жанды тербеп ерке наз.
Өтті-кетті
Көкіректі
Қарсы айырып тілімдеп.
Жанымда Ізі —
Жалын жүзі
Жатыр жайдай дірілдеп.
Сырбай Мәуленов, Сырбай Мауленов, Аңсау, Ансау сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016