Алматының алмасы сөзі

Сырбай Мәуленов

0
0

Бөлісу:


(Әнге лайықталған)
Алматының бағында
Алма ағаштар гүлдеді.
Жаздың сұлу таңында
Жас қыз көзін ілмеді.
Еңбек етіп ерінбей
Көктемде оны суарды.
Өскеніне өрімдей
Жаны толқып қуанды.
Шекараны күзеткен
Қыз сағынып жолдасын,
Тартты сый ғып өзі еккен
Алматының алмасын.
Шекарада әр түрлі
Табылады алма да.
Сүйген жардың тартуы
Қымбаттырақ сонда да.
1955
* * *
Аспан айы, кел маған,
Ажарыңды бер маған.
Жаушы қар, жан баспаған,
Мен ұқсайын тап соған.
Жоғалмайын айға ұқсап,
Ерімейін қарға ұқсап.
Жастық шағым таймасын,
Жүзім айдай жайнасын.
1955
Сырбай Мәуленов, Сырбай Мауленов, Алматының алмасы, Алматынын алмасы сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016