Аэростат туралы жыр сөзі

Сырбай Мәуленов

0
0

Бөлісу:


Түтеген оқ, түсетіндей көк құлап,
Оңнан, солдан ұрып жатыр соққылап,
— Икс жиырма, игрик бес — координат
Нысана — жүз алпыс жеті,
Оқты ат!
Жерге жетіп аэростат хабары,
Зениткалар лаулап оттай жанады.
— Батарея, батарея, оқты ат,
Көкті жапқан көк түтіннің жалауы.
Гүрсілдейді жер менен көк жаңғырып,
Гүрсілдейді жер менен көк жауды ұрып.
Аэростат ақ бұлттарға батады
Зеңбірекке нысаналар қалдырып.
Жабылады «юнкерстер» ашынып,
Қойынынан ажал оғы шашылып.
Аэростат болат топшы бүркіттей,
Тұрды Волхов аспанына асылып.
Сырбай Мәуленов, Сырбай Мауленов, Аэростат туралы жыр, Аэростат туралы жыр сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016