Ауыл еркесі сөзі

Самат Рыспанбетов

Ауыл еркесі

0
0

Бөлісу:


Бір қыз бар біздің ауылда,
Кербез бәрінен.
Ұнайды барша қауымға,
Сұлу сәнімен.
 
Қиылған қастары қандай, 
Жібектей шаштары қандай,
Тандырған естен талайды!
 
Жігіттің ғашық қып бәрін,
Шырқатқан ғашықтық әнін,
Жаным тек сені қалайды.
    
Қайырмасы:
Жамалы Күндей,
Жанары түндей,
Ауыл еркесі!
 
Көзімнің нұры,
Сезімнің жыры
Ауыл еркесі!
 
Құмарым сенсің,
Шынарым сенсің
Ауыл еркесі!
 
Қызғалдағымсың –
Ізгі арманымсың!
Ауыл еркесі!
 
Өтер деп осы көшемен,
Жолын тосамын.
Жыр қылып оны кешеден
Әнге қосамын.
 
Қасымнан өтсе паңданып,
Көркіне жаным арбалып,
Қараймын іштей таңданып.
 
Көз алмай ерке қылықтан,
Көзінен жұмбақ сыр ұққам,
Ерке қыз, жанды жылытқан! 
Самат Рыспанбетов, Самат Рыспанбетов, Ауыл еркесі, Ауыл еркеси сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

24.10.2015