Байкайсыңбы? сөзі

Өсөр Козуев

0
0

Бөлісу:


Ушул ырды жалгыз сага арнадым,
Жүрөк сүйүп тандап сени тапканмын
Байкайсыңбы айлуу түндө телмирип
Бир жигиттин, ойлоп сени жатканын

Сүйөт сени, сүйөт сени ар дайым
Жөн гана эмес, жүрөктөгү жаш жалын
Байкайсыңбы күндө сени көрбөсөм,
Жүрөк каны таарынгансып акканын.

Жаз жадырап гүлдүн жыты буруксуп,
Күн жылмайып көктөн чачып жылуулук
Байкайсыңбы магдыратып ар качан,
Арбаганын өзүңдөгү сулуулук.

Булбул конбойт жалгыз дарак шагына
Жылдыз болбойт көк асманда бир гана
Байкайсыңбы менде өкүнүч, кайгы муң
Булбул сымал коно албаган шагына

Болсоң эгер тоодо оскөн кызыл гүл
Болот элем чаңкооң баскан булак суу
Байкайсыңбы өзүң үчүн ар дайым,
Ичээримди берсең эгер мага уу

Өсөр Козуев, Осор Козуев, Байкайсыңбы?, Байкайсынбы? сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

06.07.2016