Күзгі құстар сөзі

Нұрлан Оразалин

0
0

Бөлісу:


Әшірбекке
Бұйыртса... Көктем,
кеудемде талай күз, ән бар,
жазым бар жарқын
аспанын арман көлбеген.
Сырнайлы таңым,
сыбызғы кешім, ұзаңдар!
Ұзаңдар, құстар!
Қоштасып қоңыр белменен,
құм, шағылдармен шөлдеген.
Ұшыңдар, құстар!
Ұшыңдар мұңды кештермен,
қас-қағым өмір,
өзегіңді өртер түс, білем...
Ұшыңдар ұзап
жұлдызды, түнгі көштермен,
ұлы даламен,
ұлы таулардың үстімен,
сағынып ұшар құс кілең.
Бұйыртса... Көктем,
қаз ұшар талай күзім бар.
Қараша құстар,
қоштасқан өзен, көлменен,
Кеудемнен менің сызыңдар.
Сызыңдар ұзап!
Қалдырып қырға, елге - өлең,
махаббат, мұңға шөлдеген...
Қараша құстар...
Қараша құстар көлбеген...
Нұрлан Оразалин, Нурлан Оразалин, Күзгі құстар, Кузги кустар сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016