Сүйгенім анық сөзі

Мағжан Жұмабаев

Сүйгенім анық

0
0

Бөлісу:


Көрдім де келдім,
Қолымды бердім:
              «Сүйем сені, сұлу қыз,
Жүрегім жанып,
Сүюім анық,
               Куә болсын көп жұлдыз!» -
 
Дедім де, тілден,
Құшақтап белден,
               Қысып сүйе бастадым.
Жақындай бердің,
Қойныма кірдің,
               «Кет!» - демедің, қашпадың.
 
«Сүйем!» боп сөзің,
Мөлдіреп көзің,
                Тақадың сен бетке бет:
Айрылдың естен,
Күндізгі күштен,
                 Тиіп ыстық етке ет....
 
Ұшуға іңкәр
Тұра ма тұлпар,
                  Бір жерде ылғи шаң жұтып?!
Жел едім ұштым,
Талайды құштым,
                  Кетіппін сені ұмытып.
 
Бүгін сен көріп,
Қолыңды беріп,
                   Қайғыменен қарайсың:
«Сендім мен жазған,
Сүйгенің жалған,
                    Алдадың!» ж деп жылайсың.
Алдағаным жоқ,
Арбағаным жоқ,
                    Сен сөзіме сұлу қыз!
Тап сол сағат
Сүйгенім хақ,
                     Куә мынау көп жұлдыз!
Мағжан Жұмабаев, Магжан Жумабаев, Сүйгенім анық, Суйгеним анык сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

15.10.2015