Албырт шақ сөзі

Айтқали Нәріков‎

0
0

Бөлісу:


Жас кезіңде биік болар арманың,
Бақыт әнін шырқап тұрар жан-жағың.
Өткен күндер өзгеше бір қызықты,
Ғажайып боп елестейді алдағың.
Өмір бойы кім серілік құрыпты?
Мойындайсың ата салт пен ғұрыпты.
Бойдақтықтың ауылынан алыстап,
Мойыныңа ілдіресің құрықты.
Өзің де жас, жарың да жас, көңіл - гүл,
Аспан ашық, көкжиегің көгілдір.
Кенелесің бір көл-көсір бақытқа,
Мәңгі есте қалатұғын кезің бұл.
Құдайдай-ақ сенесің сен досыңа,
Көбейесің, досыңа дос қосыла.
Жақсы, жаман бір жүрерін ойлантпас,
Еш алаңсыз албырт шағың осы да!..
Айтқали Нәріков‎, Айткали Нариков‎, Албырт шақ, Албырт шак сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016