Түске кірер баянтау lyrics

Сырбай Мәуленов

0
0

Share:


Аттарыңды тауып қойған,
Қызыл шілік, Қыз шіліктер,
Көп күн жүрген салып сайран
Қаласыңдар қыз-жігіттер.
Көп ұзамай жауар енді,
Күз жаңбыры қар аралас.
Жапырақтар жабар көлді,
Тұрар жаурап тау жалаңаш.
Түске кірер Баянтауы
Найза тасты ақжал құздар.
Жаз құшағын жаяр тағы —
Қызыл арша,
ақ жалбыздар.
Арқамыздан жел сабалап,
Мен қарындас,
сен ағалап,
Құшақтап ерке толқындарды
Жүгіреміз көл жағалап.
Кездесерміз жігіттерге,
Жүрген жері — сауық-сайран.
Кіреміз Қыз шіліктерге
Ел есімін тауып қойған.
Жайылар жаз исі ұрланып,
Ақбет таудың адырынан.
Алармыз дем құшырланып
Жас аршаның қабығынан.
Сырбай Мәуленов, Түске кірер баянтау lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

26.08.2016