Лениннің жұмыс күні lyrics

Сырбай Мәуленов

0
0

Share:


Жеңістің басшысы боп дабыл қағып,
Ленин көрген емес дамыл қағып.
Ғасырдың жанарындай түнңменен
Тұрады бөлмесінің шамы жанып.
Бір өзі табиғаттай жомарт кісі.
Әркімнің келеді оған қол артқысы.
Алдынан өтеді оның ақыл алып,
Атақты Алтай таудың болатшысы.
Білмейді дара-сыйды құрметіңді,
Барлығын жарылқайды күн секілді.
- Феликс Эдмундович, жолықты ма,
Сізге мен жіберіп ем бір жетімді.
Қырдың да ойдан шыққан жоқ егісі,
Малдың да жаюлы алда от-өрісі.
Аялап әр ананы алақанмен
Келеді әр сәбиді көтергісі.
Алдында тау көштері, көл тізбегі,
Түседі қаламының жерге іздері.
Ленин жүрегінен қуат алып,
Толқиды электрдің теңіздері.
Жұмыр жер арман болған алыстағы ай,
Ленин бөлмесінде табысқандай.
Төнеді столына күн секілді
Жаралған ойлау үшін қарыс маңдай.
Сырбай Мәуленов, Лениннің жұмыс күні lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

26.08.2016