Көк таулар lyrics

Сырбай Мәуленов

0
0

Share:


Көк аланың үйіріндей,
Көк таулар иін тірескен.
Аспанды жайлап үйіндей,
Көк ала бұлтпен бір өскен.
Сырлары терең құпия,
Таңғажайып бітісі.
Тастары бейне тақия,
Тал-қарағай үкісі.
Көк сағымға қол артып,
Көтерілген күнге тау.
Көрінеді мұнартып,
Кеудесінде мың отау.
Көз жетпес таулар көшіне,
Алысқа сапар шеккендей.
Арқаның апай төсіне,
Орнатып біреу кеткендей.
Сырбай Мәуленов, Көк таулар lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

26.08.2016