Ақ еділ lyrics

Сырбай Мәуленов

0
0

Share:


Ақ Еділ, түсіме енген ақ шабыттай,
Ақ көбік толқындары ақша бұлттай.
Бозарып боз тұманнан кей кездерде
Жатады жағасында тас мамықтай.
Сыңсыған сырлы қайың бүрін жарып,
Барады Ақ Еділдің түбінде ағып.
Секілді алтын қайық ай жүзеді,
Қашады жұлдыз-балық діріл қағып.
Аспанды ала бұлттар белдеулеген,
Ағылып тізбек-тізбек керуенменен.
Анталап анасындай Ақ Еділге
Аймалап ақ мамасын серуендеген.
Ақ Еділ сабыр сақтап дөңбекшімей
Ағады, дем алады жел де өксімей.
Айдынға күн сәулесі шашырайды
Күмістен торын жайған өрмекшідей.
Ақ Еділ алысқа ағып ақ армандай,
Жыр үшін бұл дүниеге жаралғандай.
Іштегі қара мұнай — қара отымен,
Жалындап қайта түлеп жаңарғандай.
Сырбай Мәуленов, Ақ еділ lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

26.08.2016