Сагынбек Момбеков Кайда кыргыздар? lyrics

Кайда кыргыздар? Сагынбек Момбеков

0
0

Share:


Lyrics



Кыргызым деп кыйкырып күйүп жүргөн,
Кыргызына аркасы тийип жүргөн
Кыйын чыкма жигиттер кайдасыңар,
Журтка таштап иттериң уулуп жүргөн.

Кайдасыңар кыргыздын тегиздери,
Кайрылгыла эл, жерге келип бери.
Канат бутак бололу кайран элге,
Караан тутуп турганда сени, мени

Базар деген баарысын кыйнап турат,
Багылбастан балдарың ыйлап турат,
Камчыга сап, кайраттуу баатыр таппай,
Кайран кыргыз карайлап, кургап турат.

Элди бакчу жан барбы дубаныңда,
Эркектериң жокпу же бул айылда.
Көп катынды көксөгөн көнөк баштар,
Көөшүдүбү төшөктүн кумарына.

Заман эмне болоорун сезчү барбы,
Зар болгондун тагдырын чеччү барбы.
Жаш-карыңды көрүнгөн эзип турса.
Жардам берип жанынан кеччү барбы.

Уландарың аракка кирип кетти,
Уул-кызың акчага тийип кетти.
Семичкедей чагылып жигиттериң,
Чет өлкөнүн чепкенин кийип кетти.

Сырттан келген, сыр тартып жылып кетти,
Сыйга тиккен багыңды кыйып кетти.
Кайран элиң карайлап турганында,
Канча жигит мертинип сынып кетти.



Скачивайте наши приложения на плеймеркетах App Store и Казакша андер 2022 скачать (Google Play).




Added

25.06.2016


shinline.kz / Создание сайтов - https://ima.kz