Біздің жазда lyrics

Ілияс Жансүгіров

0
0

Share:


Бозторғай шырлап, жаз құсын жырлап,
Үйрек сытырлап, қаз пырлап,
Түйе боздап, қой қоздап,
Жылқы азынап, жел маздап,
Қарға қаңқылдап, қу саңқылдап,
Жас жарқылдап, шал қарқылдап,
Сай дүңгірлеп, самал гүлді үрлеп,
Мал балалап, құс жұмыртқалап,
Қанатпен су сабалап,
Мерген су жағалап,
Өзен аңқылдап, шөп жалпылдап,
Ағаш бал қылдап, жапырақ салпылдап,
Құрттар қыбырлап, құмырсқа жыбырлап,
Малдар шыбындап, ынтықтар жымыңдап,
Тайлар ойнақтап, балалар жайдақтап,
Боталар маймақтап, тайлақтар тайрақтап,
Елдер қосылып, көштер жосылып,
Сиырлар жосылып, оқырадан шошынып,
Қойлар маңырап, қозылар жамырап,
Бұзау мөңіреп, енесі аңырап,
Көңіл елбіреп, жүрек желбіреп,
Ішің елжіреп, көзің мөлдіреп...
Ілияс Жансүгіров, Біздің жазда lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

26.08.2016