Фариза Оңғарсынова "Тартады бозбаланы магнитім..." Майраның әндері (0) lyrics

"Тартады бозбаланы магнитім..." Майраның әндері lyrics

Фариза Оңғарсынова

2
0

Share:


Баянның бақтарында,
шың-құзды шатқалында
ерке өскен жас маралмын,
шомылып ақ сағымға.
Біле алмай шамаңды әлі,
бозбала, құлшынасың,
тұңғиық жанардағы
толқынға тұншығасың!
Мергендер - көз қадарым,
танытар жігітті айбын,
бос белбеу бозбаланың
оғын да жуытпаймын!
Садақпен тартар ма адам
даланың ерке елігін.
Мекенім - дарқан далам,
жарысар жел - серігім.
Мұң жұтар жай жағада
жалынсыз жасық адам.
Мен барда айналама
шаттық-нұр шашыраған.
Алдымнан жарқырасын
ақ сәуле арайларым.
Жанарым шарпымасын,
жігітім, абайлағын!






Admin

Added Lyrics

10.12.2016