Сәлем, баку songtext

Сырбай Мәуленов

0
0

Teilen:


Сәлем, Баку, қаламсың
Өмірімде болмаған.
Құшағыңа аларсың,
Көңілімде жоқ алаң,
Низамиден жыр ұққан
Сәлем саған Абайдан.
Тойыңа кеп тыныққан
Сәлем Қасым ағайдан.
Жалындаған жаныммен
Үлгіре алмай жатырмын,
Сәлем, саған алдымен,
Жұмысшысы Бакудың.
Қара түнде атылған
Жиырма алты комиссар,
Қазақстан халқынан
Мен әкелдім, алғысты ал.
Сәлем, Баку түндері,
Ойнап жатқан отпенен.
Сәлем, Баку гүлдері,
Жаз айында көктеген.
Сәлем, Баку ұл-қызы,
Өлеңде жоқ шекара.
Сәлем, Каспий теңізі,
Толқындары көкала.
Ән салғанда тауда су,
Күй шертеді даласы.
Сәлем, саған жан Баку,
Ақындардың қаласы,
1956
Сырбай Мәуленов, Сәлем, баку songtext, 0
Біздің ұялы қосымшаларды жүктеңіздер:
Google Play және App Store






GM

Liedtext sind hinzugefügt

26.08.2016