Елге салем songtext

Алтынбек Қоразбаев

Елге салем

1
0

Teilen:


Ағайын, туған, армысың!
Қарттарым қыран, бармысың?
Қиядан көздi тартатын,
Сендерсiң құзар қарлы шың.
Елiмнiң болса қарты бар,
Асқарлы таудай дәрпi бар.
Үлкендi сыйлап, құрметтеу – 
Қазақтың ата салты бар.
Болсыншы аман атамыз,
Болсыншы аман апамыз.
Тiлеген дәйiм жақсылық,
Болсыншы қабыл батаңыз.
Армысың, абзал ағалар,
Ағалар – жарқын жағалар.
Сендердей асыл болмаса,
Бiздердi кiмдер бағалар?
Армысың, ерке жеңгелер,
Жеңгелер – елге өң берер.
Береке, байлық бастауы – 
Сендерге кiм бар тең келер?
Армысың, құрбы-құрдастар,
Сыр мiнез, сырлы сырластар.
Сендердей серi болмаса,
Тамаша, тойды кiм бастар?
Армысың, балғын iнiлер,
Ағалап алдан жүгiрер.
Iнiсi кiмнiң бар болса,
Өнерi өрлеп, iрiлер.
Армысың, қарындастарым,
Ақ тамақ қарлығаштарым.
Сағынып келдiм сендердi,
Дарынды жалын жастарым.
Жалынды сәлем жалпыңа,
Бас ием ата салтыма.
Қуана қарсы алатын,
Ризамын туған халқыма.
Алтынбек Қоразбаев, Елге салем songtext, 0
Біздің ұялы қосымшаларды жүктеңіздер:
Google Play және App Store






GM

Liedtext sind hinzugefügt

22.10.2015