Менің замандастарым сөзі

Қайрат Жұмағалиев

0
0

Бөлісу:


Сен таптың ғажап ырғақ тың,
Жұлдызбен көкте бірге ақтың.
Жарасын жаздың соғыстың
Көздегі жасты құрғаттың,
Менің замандастарым!
Бел баласы Отанның
Сананың тыңын қопардың.
Өгейсіген құм-шөлге
Өмірді сүйреп апардың,
Менің замандастарым.
Арманыңмен тел өстің,
Келер күнмен теңестің.
Космоспен кеңестің
Ақылға жарлы емессің,
Менің замандастарым.
Дұшпаның мойып, жасыған
Құдыретіңе бас ұрам!
Сен шештің дүние тағдырын
Уақыт трибунасынан,
Менің замандастарым!
Қайрат Жұмағалиев, Кайрат Жумагалиев, Менің замандастарым, Менин замандастарым сөзі, 0
Біздің ұялы қосымшаларды жүктеңіздер:
Google Play және App Store






GM

Сөзін қосқан

26.08.2016