Сыр сұлуы lyrics

Шәмші Қалдаяқов

Сыр сұлуы

1
0

Share:


Жайраңдап жазда ағатын еді,
Есімде қайран Сыр сұлу.
Таңертең сонда баратын еді,
Толқынға құмар бір сұлу.
 
Қайырмасы.
Аңсатса Сыр өңірі,
Ән тербер жүрегімді, 
Өзіңнен туған ұлың айналсын.
Жайқалған ақ күрішің,
Жаралған шаттық үшін,
Қайран сол, Сыр сұлуы, қайдасың?!
 
Тұрғандай қарап толқынды Сырға
Бір сұлу әсем жан сыры.
Сәуле боп ойнап жатқандай суда
Көзінің ерке жарқылы                                           
 
Қайырмасы.
 
Қайта ма сол қыз жайраңдап Сырдан
Толқынды шашын күн қағып?
Қала ма қарап жағада тұрған,
Күріштің басы ырғалып?!
 
Қайырмасы.
 
Сыр бойы түгел сол қызды мақтап,
Жігіттер әнін шертеді.
Тізілген тісі күріштей аппақ,
Сырдан да жаны ерке еді.
 
Қайырмасы.
 
Сөзі З. Шүкіровтікі
Шәмші Қалдаяқов, Сыр сұлуы lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

29.10.2015