Сағынышым менің lyrics

Шәмші Қалдаяқов

Сағынышым менің

7
0

Share:



Сен жанымда жүрсең,
Сен жадырап күлсең,
Бақыттымын мәңгі, асыл арманым.
Жаутаңдаған көзде,
Сәуле ойнаған кезде,
Шаттығымды елден жасыра алмадым.
 
Қайырмасы:
Желбіреген гүлдей,
Жеке шыққан күндей,
Сағынышым, жайнап тұршы алдымда.
Тауды бұлт асып,
Жерге жұпар шашып,
Бал бұлақтар тасып,
Жатқан кезде
Қырқасынан қырдың,
Арасынан нұрдың,
Еркетайым, сені көріп қалдым ба?!
 
Құшағыма кіріп,
Күле қарап тұрып,
Қосылшы әнге сол бір жүрек тербеген.
Тал жанына барсақ,
Таңды күтіп алсақ,
Таңдай әппақ адал тілектерменен.
 
Қайырмасы.
 
Неге алысқа кеттің,
Неге көп іздеттің,
Үмітімді менің мәңгі үзгендей.
Сағынышты өмір,
Қазір, шіркін, көңіл
Көлде аққу қалқып жалғыз жүзгендей.
 
Қайырмасы.
 
 
Сөзі Сабырхан Асановтікі
Шәмші Қалдаяқов, Сағынышым менің lyrics, 0
Біздің ұялы қосымшаларды жүктеңіздер:
Google Play және App Store






Comments

Gulnara Almaty

31 2020

Ән өте әсерлі. Есейіп жүрсек те анамызға қарызбыз

GM

Added Lyrics

29.10.2015