Жашообуз болсун көктөмдөй lyrics

Мээрим Мураталиева

0
0

Share:


Көк жашыл шибер өстөнүм,
Гүлүңдү терип өскөмүн.
Көрүнүп көзгө элестейт,
Көлдөлөң сымал чөптөрүң.
Өскөмүн сенден өскөмүн.
Ойноок жаш даалай төккөмүн.
Серүүндөп жүрүп боюнда,
Сүйгөнүм даалай, жигиттим даалай өпкөмүн.

Чачтарга бубак себелеп,
Беттерди бырыш чегелеп.
Өмүрлөр жылса алдыга,
Өткөндү эстеп не керек.
Жашынмак ойноп алгандай,
Жашоонун жолу ар кандай.
Жалжылдап карай беремин,
Жаштыгым сенде, балалык сенде калгандай

Арт жакка карай кылчайса,
Ар кимдер ойлоор өткөнүн,
Канчалык чабыттаса да.
Ким тапмак жаштык көктөмүн
Жаарда булут көчкөндөй
Жаштыкты текке өткөрбөй
Жаңыча шилтеп кадамды,
Жашообуз болсун, өмүрлөр болсун көктөмдөй.

Мээрим Мураталиева, Жашообуз болсун көктөмдөй lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

04.07.2016