Ерлі-зайыпты қазақтар lyrics

Қадыр Мырза Әли

0
0

Share:


Біздің халық, біле-білсең, бір ғажап!
Сүйе тұра,
Бірін-бірі жүр қажап.
Қанша жақсы көрсе-дағы әйелін
Білдірмеуге тырысады бұл қазақ.
Ақ матаға қай бояу да жұғады,
Жұққаны үшін кінәлі боп шығады.
Кейде қазақ әйеліне "Әй!" дейді,
Әйелі оны "Ай!" деді деп ұғады.
Ел жыртығын ақылмен ер жамаған.
Ал долы әйел қай кезде де қабаған.
Соның өзін
"Ойбайлатып"
Бабамыз
Үстеріне тон кигізіп "сабаған".
Қайткенде де
"Әй!" дегеннен үрікпе.
Жар қолында қай кезде де шүріппе.
Күйеуіне істетеді дегенін,
"Зардап шегіп",
"Таяғын жеп" жүріп те!
Қадыр Мырза Әли, Ерлі-зайыпты қазақтар lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

26.08.2016