Бар болгула lyrics

Дилшат Кангелдиева

0
0

Share:


Ким келбейт тирүүлүктүн базарына?
Ким көнбөйт көр оокаттын азабына?
Кулпунтуп гүл өмүрдүн багын ачып,
Курбулар, аман-эсен жашагыла.
Курбулар, аман, курдаштар, эсен,
Курбулар, аман-эсен жашагыла.

Тарыхтын барагындай ачар ээлер,
Барыңар ыйыксыңар бата берер.
Билигин асыл жандын балбылдатып,
Биз үчүн бар болгула, ата-энелер.
Биз үчүн бар бол, биз үчүн бар бол,
Биз үчүн бар болгула, ата-энелер.

Бал тилдүү балдан өткөн ширинсиңер,
Багыбыз, байлыгыбыз бир өзүңөр.
Ар дайым балдар эсен болсун дейбиз,
Анткени үмүтүбүз силерсиңер.
Анткени үмүт, анткени тилек,
Анткени келечеги силерсиңер.

Тагдырдын табышмактуу тар жолунда,
Таалайын издеп тапкан жан болгула.
Байсалдуу өмүр буйруп улуу күчтөр,
Баарыңар, замандаштар, бар болгула.
Баарыңар аман, баарыңар эсен,
Баарыңар, замандаштар, бар болгула!

Дилшат Кангелдиева, Бар болгула lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

08.07.2016