Түңүлбөчү lyrics

Апаз Жайнаков

0
0

Share:


Кымбатым, кыйнабачы, кыйналбачы,
Кыйналган көңүлдөргө жыргал кайсы?
Армансыз жыргал издеп өмүр шашат,
Адамдын мынча неге ылдам жашы?

[Кайырма]
Оо, сулуу, түңүлдүрбө, түңүлбөчү,
Кут төгүп бешенеңден күлмүңдөчү.
Кумсарткан кусалыгың куруп кетсин,
Кумардын мен эңсеген гүлүн берчи.

Асылым, сындабачы, сындатпачы,
Сыздатпай жүрөгүмдү, урматтачы.
Ак сүттөй арзуу издеп, көңүл шашат,
Адамдын мынча неге кымбат жашы?

[Кайырма]

Жалжалым, таарынтпачы, таарынбачы,
Жабырдын кочкул гүлүн тагынбачы.
Аземдеп жашыл кийип жаштык шашат,
Адамдын мынча неге ылдам жашы?

[Кайырма]

Апаз Жайнаков, Түңүлбөчү lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

25.06.2016