Қара тізім lyrics

Амангелді Өтешов

Қара тізім

0
0

Share:


Қалың елім, қазағым қайран жұртым,
Ұстарасыз аузыңа түсті мұртың.
Жақсы менен жаманды айырмадың,
Бірі қан, бірі май болды енді екі ұртың.
 
Жақау:
 
Ей қазағым, қалғыма!
Сен кімдерден кем едің?
Қаратаудай қадірлі,
Алатаудай өр едің...
Телің менен тентекті тезге салған ел едің...
Кемшілікті түзеші, тізіп айтып беремін.
Он жеті миллион қазақпыз, қарасам егер үңіліп,
Жетімдеріміз қаншама, ойласам кетем түңіліп,
Жесірлеріміз қаншама, кететін көзің сүрініп,
Қылмыскерлер қаншама, түрмеге қалған тығылып,
Нашақорлар қаншама, күнаға батқан былығып,
Бүтін болудың орнына, ыдырап жүрміз бүлініп.
Аманында ай-күннің, бірлік қылмай жұмылып,
Жүргендерді айтайын, 'қара тізімге' ілігіп.
 
Алиев Рахат қашып жүр, айрылып барлық рахаттан,
Отанынан безіп жүр айрылып абырой атақтан.
Аблязов Мұхтар жүр айнымай сатқын жігітке,
Ка плюс (K ) ашып арнасын, еліне қарап күдікпен.
Сыртта жүріп бүлікпен, ішімізді іріткен,
Ел тонаған ерлерің батпаққа батар былықпен.
Жерін сатқан ерлер көп, тек қана өзім-өзім деп,
Қазақтар сатып жатқан соң, Храпуновқа сөзім жоқ...
Осылардың қайсысы ұйқы беріп, қайғы алды?
Лайлап кетті ұялмай 'көңіл' дейтін айнаңды.
Түсінбеймін ел сатқан, кеудесі кедей байларды,
Сыртымыздан тас атып, дұшпаныңа айналды.
Құмарың қансын айтайын, құлағын маған түріңдер,
Өзімізде де жетеді қастандық қылып жүргендер.
Тура сөзді айтпасам, кетсін тілім кесіліп,
Ертеңіңе алаңдап жүрген жанмын шошынып!
 
Сақтан Алаш, сақтан ел, ессіздер жүр есіріп,
Ерғалиева Гүлжан жүр интернетте шешініп.
Ұятсыз биді дәріптеп, Сыздықова жүр көсіліп,
Шығарады осылар қандай ұл-қыз өсіріп?
Жұмақұлов Бақытжан, минист боп отырған,
Тілім, дінім дегенге, азу тісін батырған.
Орамалды талай қыз оқудан шығып ақұрған,
Ал бірақта қоғам ғана дандығуын татырған.
'Harlem Shake' биін билеп, адасып жүрген ақылдан,
Жын ұрған студенттерді шығармады оқудан.
Ал қазақтың киносы іші іріп-шіріп тұр,
'Келін' деген фильмің ұятсыздыққа бығып тұр.
'Шал' дейтұғын кинода арамдыққа тұнып тұр,
Немересі 'шайтан' деп тәрбиені бұрып тұр.
Осыларды түсірген Тұрсын Ермек құрып тұр,
Қазақфильм студиясы 'Мазақфильм' қылып тұр.
Самақова Айтгүлің айтқан сөзді ұғама?
Мектеп оқушыларын тарпақ болып күнәға,
Жыныстық қатынас жайлы оқытсақ деп сірә да,
Аналардың аузынан осындай сөз шығама?
Депутат Айқын Қоңыров көтерді қызыл жалауды,
Ленинді қорғап тұтатты атеистік алауды.
Ал Жұматай Алиев, оғанда айтар нала бар,
'Атеизм' сабағын оқыса дейді балалар.
Адасты екен неліктен, ел сайлаған ағалар?
Бұрын елді билеген ақылы асқан даналар.
Зиялылар орнына зияндылар көбейді,
Ойланбасаң қазағым, алдыңды ертең бөгейді.
Осылардың бәрімен күреспейміз неге біз?
Күресудің орнына, төрден орын береміз.
Ертеңіңді тапсырып, қайсысына сенеміз?
Жақсы менен жаманды әлі айырмай келеміз...
 
Жасырмаймын, жан дүниемнің ақтарайын мен ғазалын,
Елім менің ең асылым, ең керемет, ең ғажабым!
Ессіздерден сақтанғайсың ел басына құрмет қылып,
Елім деген, жерім деген ерлеріңе ер қазағым!
Амангелді Өтешов, Қара тізім lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

23.10.2015
Music Videos
Амангелді Өтешов
Қара тізім