Жанымда дагы бир аз отуруңуз (folk version) lyrics

Айпери Кулбаева

0
0

Share:


Бир көрүп ашык болдум, ичим тыз-тыз,
Жүрөктө сезимдерди ойготтуңуз.
Суранам өчүрбөстөн ошол отту,
Жанымда дагы бир аз,
Жанымда дагы бир аз отуруңуз.

Жүрөгүм, ичим тыз-тыз,
Сезимди ойготтуңуз.
Суранам өчүрбөстөн ошол отту,
Жанымда дагы бир аз отуруңуз.

Сүйлөңүз ширин экен сөздөрүңүз,
Тиктеңиз жылуу экен көздөрүңүз.
Арбалып жүзүңүзгө тигилейин,
Айтылсын жүрөктөгү,
Айтылсын жүрөктөгү сөздөр үнсүз.
Жайдары көздөрүңүз,
Жагымдуу сөздөрүңүз,
Арбалып жүзүңүзгө тигилейин,
Айтылсын жүрөктөгү,
Айтылсын жүрөктөгү сөздөр үнсүз.

Суранам тосолучу түнү менен,
Суранам тосолучу күндү бирге.
Суранам жаз гүлүндөй күлүп-жайнап,
Суктанып жыттайлычы,
Суктанып жыттайлычы гүлдү бирге.
Тосолу күндү бирге,
Тосолу түндү бирге,
Суранам жаз гүлүндөй жадырашып,
Суктанып жыттайлычы гүлдү бирге.

Суранам кетпесеңиз, ичим тыз-тыз,
Жактыңыз махабаттын отун укмуш.
Жылынып ошол оттун илебине,
Жанымда дагы бир аз отуруңуз.
Жүрөгүм, ичим тыз-тыз,
Сезимди ойготтуңуз.
Суранам өчүрбөстөн ошол отту,
Жанымда дагы бир аз отуруңуз,
Жанымда дагы бир аз отуруңуз.

Айпери Кулбаева, Жанымда дагы бир аз отуруңуз (folk version) lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

25.06.2016