Керемет сезим lyrics

Айпери Кулбаева

0
0

Share:


Турган өңдүү асман мага жөлөнүп,
Жүрөк эргип бир сезимге бөлөнүп,
Эч бир адам таппай жүргөн бакытты
Жалгыз өзүм бараткансыйм өңөрүп.

Тагдыр мага өчпөс отун жаккандай,
Мүрөк суусун жалгыз өзүм таткандай,
Ар бир баскан кадамыма сүйүнөм,
Мен өзүмдөн батпас күндү тапкандай.

Мен кубанам миң жыл жашап өткөндөй,
"Миң кыялын" Токон мага черткендей,
Тагдыр буйруп жолукпасаң сен мага,
Өтмөк окшойм өмүр баркын эч билбей.

Оболотуп махабаттын ак боосун,
Сени дагы ушул сезим коштосун.
Бир күн сокпой калчу болсо бул жүрөк,
Сени ойлоп жаткан кезде токтосун.
Айпери Кулбаева, Керемет сезим lyrics, 0
Біздің ұялы қосымшаларды жүктеңіздер:
Google Play және App Store






GM

Added Lyrics

25.06.2016