Балама lyrics

Айпери Кубик кызы

2015

0
0

Share:


Булт этет неге, бул кызык деле,
Бул эмне десем, буттарың беле?
Эркелеп деле, элесиң көрө,
Жылмаям жыргап, жыттагым келе.


Балам, балам, балам эркетай,
Бакытыма сени берсечи, ай,
Бул жарыкка аман көз жарып келсең, ай.
Балам, балам, балам эркетай,
Бакытыма сени берсечи, ай,
Бул жарыкка аман көз жарып келсең, ай.

Туйлаган кезең, толкундап кетем,
Бул эмне десем, колдоруң бекен?
Төрөдөй көсөм, төрөлсөң экен,
Ак бешик күтөт, апакай бөпөм.

Сүйүнчүлөр турса айтылып,
Сүйүнүчкө көңүл артылып.
Бакыт тилеп сага, жүрөгүм тартылып.
Сүйүнчүлөр турса айтылып,
Сүйүнучкө көңүл артылып.
Бакты тилеп сага, жүрөгүм тартылып.

Жылуу койнумда, жытың сонун да,
Чачыла чачсам, жентек тоюңда.
Торолсоң анан, тойбой оюнга,
Жетелеп жүрсөм деймин оюмда.

Кайырма:

Бала, бала, балам эркетай,
Бактыма сени берсечи, ай,
Бул жарыкка аман көз жарып келсең, ай.
Сүйүнчүлөр турса айтылып,
Сүйүнучкө көңүл артылып.
Бакты тилеп сага, жүрөгүм тартылып.
Айпери Кубик кызы, Балама lyrics, 2015
Біздің ұялы қосымшаларды жүктеңіздер:
Google Play және App Store






GM

Added Lyrics

15.02.2016