Notice: Undefined index: Alternative in /var/www/html/httpdocs/app/controllers/biography.php on line 40

Notice: Undefined index: Blues in /var/www/html/httpdocs/app/controllers/biography.php on line 41

Notice: Undefined index: Children in /var/www/html/httpdocs/app/controllers/biography.php on line 42

Notice: Undefined index: Classical in /var/www/html/httpdocs/app/controllers/biography.php on line 43

Notice: Undefined index: Pop in /var/www/html/httpdocs/app/controllers/biography.php on line 44

Notice: Undefined index: Indie in /var/www/html/httpdocs/app/controllers/biography.php on line 45

Notice: Undefined index: Rock in /var/www/html/httpdocs/app/controllers/biography.php on line 46

Notice: Undefined index: Dance in /var/www/html/httpdocs/app/controllers/biography.php on line 47

Notice: Undefined index: Rap in /var/www/html/httpdocs/app/controllers/biography.php on line 48

Notice: Undefined index: Easy in /var/www/html/httpdocs/app/controllers/biography.php on line 49
Мақпал Исабекова өмірбаяны

Мақпал Исабекова


Мақпал Исабекова 1984 жылы 21 ақпанда Жаркент қаласында дүниеге келген. Әншінің әкесі оның есімін ҚР Халық әртісі Мақпал Жүнісоваға ұқсасын деп қойған екен. Мақпал қалың көрерменге 2003-2004 жылдары ұйымдастырылған «SupersStar kz» жобасы арқылы танылды. Ол финалға шыққан 12 қатысушының бірі болғанымен, жетінші кезеңде жобадан шығып қалды. Бұдан кейін Мақпал продюсер Эрик Тастамбековтің қолдауымен өзінің жеке карьерасына кірісті.
Мақпал үлкен сахнаға шыққан алғашқы жылдары көрерменге «Аяла мені», «Кто остановит дождь?», «Мен жайлы», «О тебе», «Холода», «Была ли любовь» әндері арқылы кеңірек танылды. Ал, оның 2005 жылы Юрмалада өткен «Новая волна» фестивалінде «Көрермендер көзайымы» атануы ТМД елдеріне де жақсы танылуына себеп болды. Әнші одан кейінгі жылдарда өткізілген «Новая волна» фестивальдеріне құрметті қонақ ретінде шақырылып, Доминик Джокер, Нюша, Ирина Дубцова, Тимати және тағы басқа ресейлік әншілермен бірге ән шырқады.
Мақпал Исабекова 2008-2009 жылдары ресейлік продюсер Доминик Джокер және Сергей Жуковпен бірге жұмыс істеді. Ал, 2009 жылдың көктемінде әнші Алматыдағы Республика сарайында өзінің алғашқы есеп беру концертін өткізді.
Мақпал – өте ізденімпаз ару. Ол қазір көпшілікке әнші ғана емес, актриса ретінде де танымал. 2014 жылы ол «Загнанная» деп аталатын экшн-фильмде (режиссері – Сапар Төлеген) басты рөлді алып шықты. 2015 жылы Мақпал Маңғыстау облысында түсірілген «Қазына» сериалына түсті. Ал, 2016 жылдың соңында қазақ тіліне аударылған голливудтық «Моана» мультфильмінде басты кейіпкерлердің бірін дыбыстады.
Сахнаға алғаш шыққан жылдары Мақпал көбіне орыс тілінде ән салатын. Сол кезеңде оның қазақтілді баспасөз өкіліне берген «Мен қазақ әншілерін тыңдамаймын» деген сұхбаты оқырмандар арасында біраз шу тудырды. Ал, бүгінде әнші ару қазақ тілінде де, орыс тілінде де әп-әдемі ән салып, сұхбат беріп жүр. Соңғы жылдар бедерінде Мақпал тыңдарманға «Хабарласпа», «Сеземін», «Обними», «Сағындым» сияқты әсем әндерді ұсынды.
Мақпалдың әнші ретінде тапқан алғашқы табысы – 30 доллар. Ол бұл қаражатқа джинсы белдемше мен кофта сатып алған екен.
Оның екі дипломы бар (экономист, актриса).
Мақпал «SupersStar kz» жобасында Батырхан Шүкеновтің репертуарындағы «Отан-ана» әнімен финалға шықты.
Әншінің өз бойындағы ұнатпайтын кемшілігі – қырсықтығы.
Әзірше Мақпал Исабекованың үш үнтабағы бар. Олар: «Первый поцелуй», «Мен жайлы», «Улетаю».

Роза Әрен